A u Messeche ze more

• 

• Au Mèssëchë zë mórë

Mèntrë z’appiccëchënë tra lórë

ruscë e mërëcànë

e fannë a gara

a chi po’ sparà chiù bbomme,

sott’a lë macérë

da u tërramótë ammëntunatë,

nu crijaturë spéra

dë rëmënì a lucë.

Zittë. Sènza chiagnë.

Manchë u cunfuortë dë lë lacrëmë

po’ spërà p’u sparagnë!

Ma è suonnë,

spëranza përduta!

Eppurë, sé au poštë ‘e ‘ppiccëcà

tra lorë ‘štë ruscë e mërëcanë

avissënë fattë a gara

mëttènnëcë na mana

tuttë ‘llë macérë

zë fussënë squagliatë.

E chisà quanta ‘uagliunë

zë fussërë salvatë.

Brëugnàtëvë!

Uommënë sènza raggiona.

‘Vétë fattë scappà

‘ss’accasiona p’abbracciarvë

e dëmuštrà au munnë

ca tënavatë tutt’e ddu raggionë.

1985

IN MESSICO SI MUORE

Mentre litigano tra loro/ russi e americani/ e fanno a gara/ a chi può sparare più bombe/ sotto le macerie/ ammucchiate dal terremoto/ un bambino spera/ di ritornare alla luce/Zitto. Senza piangere/Nemmeno il conforto delle lacrime/ può sperare per risparmiare le forze/ Ma è sogno/ speranza perduta/ Eppure se al posto di litigare/ tra loro questi russi e americani/avessero fatto a gara/ mettendoci una mano/ tutte quelle macerie/ si sarebbero sciolte in un attimo/E chissà quanti bambini/ si fossero salvati/ Vergognatevi!/ Uomini senza ragione/ Vi siete fatti scappare/ questa occasione per far pace/ e dimostrare al mondo/ che avevate tutti e due ragione! 

Visite: 475